“Ливерпуль” клуби вице-сардор Жордан Хендерсон билан шартномани узайтириш бўйича келиша олмаяпти.

Daily Mail нашрига таяниб “СЭ”нинг хабар қилишича, Мерсисайд клуби 24 ёшли ярим ҳимоячига ҳафтасига 80 минг фунт маош билан 5 йиллик шартнома таклиф қилган. Бироқ Хендерсон рад жавобини берган ва 100 минг олишни истаётганини билдирган.

Газета маълумотларига кўра, айни вақтда Хендерсон “Энфильд”да ҳафтасига 60 минг фунт маош олади, унинг “Ливерпуль” билан шартномаси 2016 йил ёзида якунланади.

Нашр эртмами-кечми томонлар муросага келишига ишонмоқда. Хендерсон ва “Ливерпуль” йилига 5,2 миллион фунт маошга келишишлари тахмин қилинмоқда.