7 апрель куни АПЛда “Астон Вилла” ва “КПР” ўртасида 33-турнинг кўчирилган учрашуви ўтказилди. Бу ўйинда мезбонлар ҳужумчиси Кристиан Бентеке 3та гол киритишга эришди.

Бельгиялик ушбу ҳужумчи ўз голларининг иккитасини биринчи таймда киритди, учинчи голни киритишидан олдин эса, жамоаси 2:3 ҳисобида мағлуб бўлаётганди ва унинг 83-дақиқада киритган голи мағлубиятдан қутқарувчи голга айланди.

Мавсумнинг биринчи даврасида кичик жароҳатлар туфайли спорт формасини тиклай олмаган 24 ёшли ҳужумчи охирги турларда ўз голеадорлик қобилиятини намойиш этмоқда. “КПР” билан ўйинни қўшиб ҳисоблаганда, у кейинги 5 ўйинда 7та голга муаллифлик қилди.

Астон Вилла – КПР 3:3
Голлар: Бентеке (10, 33, 83) – Филипс (7), Хилл (55), Остин (78)
Огоҳлантиришлар: Кранчар (34), Сандро (37), Остин (57), Хилл (82)