"Локомотив" Осиё чемпионлар лигаси навбатдаги тур учрашувини яна ўз майдонида ўтказади. 21 апрель куни Саудия Арабистонининг энг кучли клубларидан бири "Ал Ҳилол" Тошкентда меҳмон бўлади. Ҳозирданоқ "Локомотив" - "Ал Ҳилол" баҳсига қизиқиш юқори. Айниқса, "темирйўлчилар" ўз майдонида "Ал Садд"ни 5:0 ҳисобида мағлуб этганидан сўнг Вадим Абрамов шогирдларида кейинги босқичга чиқиш учун яна имконият юзага келди.
"Темирйўлчилар" матбуот хизмати жамоага бефарқ бўлмаган мухлислар учун кичик бир танлов ташкил қилмоқда. Хабарингиз бор, 13 апрель куни "Локомотив" ўз майдонида "Бунёдкор"ни қабул қилади. Мана шу ўйин сабаб сизда "Ал Ҳилол" билан бўладиган учрашувга иккита чипта ютиб олиш имконияти бор. Қандай қилиб дейсизми? Марҳамат, "Локомотив"нинг "Бунёдкор"га қарши майдонга тушадиган асосий таркиби (11талик)ни тўғри топинг ва ОЧЛ ўйинига 2та чипта ютиб олинг.
Эслатма: Вариантлар 13 апрель, соат 12:00гача қабул қилинади.
Электрон почта: lokomotiv.fans@mail.ru
Изоҳ: Фақат кўрсатилган электрон почтага келган вариантларгина инобатга олинади
Қоида: Агар икки ва ундан ортиқ кишининг варианти бир хил тўғри чиқиб қолса, электрон почтага ким биринчи бўлиб хат жўнатган бўлса, ўша чипта соҳибига айланади.
Имконият: Ҳар бир киши юборадиган вариант биттадан ортиқ бўлмаслиги керак
Шундай экан, бугунданоқ ўз вариантингизни юборишни бошлайверинг.
