"Локомотив" ва "Бунёдкор" жамоалари ўртасидаги ўйиндан сўнг матбуот анжумани ташкил этилди. Унда дастлаб "қалдирғочлар" бош мураббийи Сергей Лушчан иштирок этди.
— 0:3 ҳисобидаги мағлубиятдан кейин ўйинга қандай изоҳ бериш мумкин? Биринчи бўлимда ёмон ўйнамадик. Иккинчи бўлимда бутунлай ўйинимиз бўшишиб кетди. Биринчи голдан кейин жамоа ўйинни ташлаб қўйди. Бунинг сабабини билмайман. Буни аниқлаштирамиз. Аниқроғи, бунинг сабабини иккита ўйиндан бери аниқлаштиришга ҳаракат қиляпмиз, аммо нима бўлаётганини тушунмаяпман.
— Элдор Шомуродов майдонга тушганига кўп бўлмасдан қизил карточка олди. Буни қандай изоҳлайсиз?
— Қоида — бу қоида. Қоида буздингми, огоҳлантириш оласан ва иккита қўполилкдан кейин майдондан четлатиласан. Ёшларда иштиёқ бор, аммо ақл кам.
— Жамоа нима учун сўнгги ўйинларда гол ура олмаяпти?
— Агар буни билганимда Траппотини бўлардим. Машғулотда барчасини тўғри бажаряпмиз. Футболчиларнинг имкониятларини яхши биламан, улар ҳар қандай вазиятда гол ура олишади. Аммо иккита ўйиндан бери жамоамни танимаяпман. Мураббийлар штаби ишлаяпти, психологлар ишлашяпти. Аммо ўйинчилар майдонга чиқишганидан кейин бутунлай ўзгариб қолмоқда. Ёшлар терма жамоасидан қайтиб келишганидан кейин футболчиларимиз ўзгариб қолишмоқда. Гўёки, улар умрида илк маротаба футбол ўйнаётгандек. Нима бўлаётганини тушунмаяпман.
— Бугун мухлислар ҳайқириб, сизни алмаштиришларини сўрашди...
— Шунинг учун ҳам улар мураббий. Жамоа раҳбарияти менга ишонч билдиришган ва мен жамоа билан ишлаяпман. Бу ишимдан мароқ оляпман. Мен қаерда керак бўлсам, шу ерда ишлаяпман. Баъзи мураббийлар каби ўз лавозимимга ёпишиб олмайман.
— Ўзбекистон ёшлар терма жамоасига Янги Зеландиядаги ЖЧга 9 нафар футболчи жалб қилинади. Ушбу муаммони қандай қилиб ҳал қилмоқчисиз?
— Ўринбосарлар билан ўйнаймиз. Таркибимизда 15 ёшли футболчилар бор.
— Баъзи футболчилар оддий вазиятда ҳам тўп йўқотилмоқда. Бунинг сабаби нимада?
— Мен ҳам айнан шу ҳақида гапиряпман. Аниқ сабабини билмаяпман, агар билганимда муаммони ҳал қилган бўлишарди. Жамоада молия борасида муаммо йўқ. Жамоа футболчилар олдидаги масъулиятни бажармоқда.
