“Сампдория” бош мураббийи Синиша Михайлович “Наполи” устози Рафаэль Бенитес ўрнини эгаллаши мумкин.
Championat.com хабарига кўра “Наполи” президенти Аурелио Де Лаурентис мавсум охирида испаниялик мураббийни истеъфога чиқармоқчи. Эслатиб ўтамиз, Бенитес бошқарувида “Наполи” 2013/14-йилги мавсумда Италия кубогини ва бу йилги мавсумда Италия Суперкубогини қўлга киритди.
“Наполи” айни вақт А Серия мусобақа жадвалида 4-ўринда жойлашган. Мавсум якунланишига 8 тур қолган айни вақтда неаполликлар 3-поғонадаги “Рома”дан 7 очкога ортда қолишмоқда.
