"Ливерпуль" ярим ҳимоячиси Раҳим Стерлинг тамаки маҳсулотини истеъмол қилгани учун клуб томонидан жаримага тортилмайди. Бу ҳақида sports.ru Daily Mail нашрига таяниб хабар берди.
Аввалро британ ОАВда 20 ёшли британ футболчисининг кальян чекаётгани акс этган фотосуратлар пайдо бўлганди.
Тахминларга кўра, пайшанба куни жамоа устози Брендан Рожерс Стерлинг билан учрашиб, ёш футболчи билан профессионал ўйинчининг масъулияти ва тамаки маҳсулотларининг зарарли оқибатлари ҳақида тушунтириш ишлари олиб боради.
Қайд этиш жоиз, ушбу фото ўтган йилнинг сентябрида суратга олингани ҳам аниқланди.