Эртага Руминия пойтахти Бухарес шаҳрида теннис бўйича ATP тур доирасидаги турнирнинг асосий тўр баҳслари бошланади. Ҳамюртимиз мукофот жамғармаси 439,405 еврони ташкил этувчи мусобақанинг илк даврасида саралаш баҳслари ғолибларининг бири билан ҳисоб-китоб қилади.
Айни дақиқаларда саралашнинг ҳал қилувчи финал учрашувлари ўтказиляпти. Агар Истомин илк даврада ғалаба қозона олса, иккинчи босқичда катта эҳтимол билан Виктор Троицки билан тўқнаш келади. Сербиялик теннисчи турнирда 6-рақам остида таснифланган. Бунинг учун Троицки биринчи галда испаниялик Даниэль Гимено-Траверни енгиши керак бўлади.
