Бир неча мавсум давомида Лондоннинг “Челси” жамоасида тўп сурган, айни вақтда “Манчестер Юнайтед” аъзоси ҳисобландиган испаниялик ярим ҳимоячи Хуан Мата ўзининг собиқ жамоадошларини амалда чемпионлик масаласини ҳал қилишгани муносабати билан табриклади.
АПЛнинг 33 турида ўтказилган “Челси” ва “МЮ” ўртасидаги ўйинда мезбонлар 1:0 ҳисобида ғалаба қозонишди ва эндиликда чемпионат якунига 5та ўйин қолганида, лондонликлар ўзларининг энг яқин таъқибчилари “Арсенал”ни 10 очкога ортда қолдирган ҳолда турнир жадвалида етакчилик қилмоқда.
“Мен “Челси” футболчилари ва мухлисларига нисбатан чуқур ҳурмат ҳис қилмоқдаман. Мен уларни амалда ҳал бўлиб улгурган чемпионлик унвони билан табриклайман. Собиқ жамоадошларим билан ўйиндан кейин гаплашдим. Улардан ташқари жамоанинг бошқа ходимлари, шифокорлар ва ёрдамчи мураббийлар билан учрашдим. Улар бу мавсумда чемпионликка лойиқ ўйин кўрсатишди”, деб ёзади Мата ўз блогида.
