Санкт-Петербургнинг “Зенит” футбол клуби ҳужумчиси Халк Европа Лигасининг нимчорак финалида “Севилья”га қарши ўтказиладиган жавоб учрашуви ҳақида ўз фикрларини айтиб ўтди.

“Шубҳасиз, бизда “Севилья”дан ўтишга имконият мавжуд. “Зенит” аъло даражадаги жамоа. Агар охиригача курашсак, ғалаба қила оламиз. Бунинг устига, бизни мухлислар қўллаб-қувватлаб туришади. Биз уларнинг ёрдамларига умид билдирмоқдамиз. Ўйлайманки, ҳаммаси рисоладагидек бўлади.

Россия чемпионати ва Европа лигаси мусобақалари биз учун бирдек муҳим. Бизлар иккала мусобақада ҳам зафар қучишни истаймиз. Бунинг учун биз ҳар куни жуда кўп меҳнат қилмоқдамиз. Тангрининг иродаси билан биз бунинг уддасидан чиқамиз. “Севилья”га гол уришга ҳаракат қиламан. Соатига 1000 км гача тезлашиб, йўлимдаги барча тўсиқларни енгиб ўтаман”, деб айтди Халк.

Эслатиб ўтамиз, ушбу жуфтликнинг биринчи учрашуви 2:1 ҳисобида “Севилья” фойдасига ҳал бўлган эди.