Мюнхеннинг “Бавария” футбол клуби бошқарув раиси Карл-Хайнц Румменигге клуб бош мураббийи Хосеп Гвардиоланинг “Манчестер Сити”га кетиши эҳтимоли ҳақидаги хабарга изоҳ бериб ўтди.
“Мени шахсан бу миш-мишлар хавотирланмаяпти. Бу гаплар фақатгина Гвардиоланинг юқори даражадаги мураббий эканлигини яна бир бор исботлайди.
Шахсан мен Гвардиола “Бавария”ни “Манчестер Сити” каби клуб учун тарк этишини хаёлимга ҳам келтира олмайман. Ишончим комилки, у бизнинг клубни камида 2016 йилгача бошқаради.
Гвардиола бизда ишлаётганидан фахрланамиз. Гвардиола ҳозирда дунёдаги энг орзу қилинадиган мураббийи ҳисобланади ва у бизнинг барча истакларимизга тўғри келади.
Бизда бир режа бор: бу мавсумни тугатиб, 2015 йилнинг иккинчи ярмида Гвардиола билан янги музокараларни бошлаймиз. Бизнинг мақсад у билан шартномани узайтиришдан иборат. Ўйлайманки, бизда буни амалга ошириш учун яхши имкониятлар мавжуд”, деб айтди Румменигге.
