Ўзбекистон ва Эрон миллий терма жамоалари шу йилнинг июнь ойида ўзаро ўртоқлик учрашувида майдонга тушишади. Бу ҳақда Persianfootball.com сайти Эрон веб-сайтларига асосланган ҳолда хабар тарқатди.
Манбага кўра, ўйин Туркияда ўтказилиши режалаштирилган. Эрон терма жамоаси 16 июнь куни ЖЧ-2018 саралаш босқичи доирасида Туркманистонда ўйин ўтказади. Ундан олдин эса форслар айнан Истанбулда йиғин ўтказишни режалаштиришган. Эрон ва Ўзбекистон ўртасидаги ўйин санасига ойдинлик киритилмаган, аммо катта эҳтимол билан учрашув 11 июнь куни бўлиб ўтади.
Ўзбекистон терма жамоаси эса саралашни 16 июнь куни КХДРга қарши сафардаги ўйин билан бошлайди.
