“Челси” бош мураббийи Жозе Моуриньо АПЛнинг 34-турида “Арсенал”га қарши учрашув арафасида “канонирлар” бош мураббийи Арсен Венгернинг “аристократлар” ўз ғалабасига ҳимоявий ўйин сабабли эришган деган, фикрига ўз муносабатини билдирди.

“Ҳимояланиш оддий иш эмас. Бу оддий бўлганида сиз Лондонда “Монако”га  1:3 ҳисобида мағлубиятга учрамаган бўлардингиз. Жамоани ҳимоявий ўйинга тайёрлаш ҳам осон эмас”, – деди Моуриньо.

Маълумот учун, “Арсенал” ҳамда “Челси” ўртасидаги учрашув 26 апрель куни соат 20:00 да бўлиб ўтади.