Мамлакатимизнинг биринчи рақамли теннисчиси эртага Туркиянинг Истанбул шаҳрида асосий тўр баҳслари бошланадиган Teb BNP Paribas Istanbul Open турнирида иштирок этади. Мавсумни омадсиз ўтказаётган ҳамюртимиз илк даврада франциялик Бэнуа Пэрга қарши кортга чиқади.
Таққослаш учун Истомин дунё рейтингида 65, Бэнуа эса 78-ўринни эгаллаб турибди. Агар ҳамюртимиз франциялик теннисчининг тўсиғидан муваффақиятли ўтиб олса, иккинчи даврада россиялик Михаил Южний ҳамда бразилиялик Томаз Белуччи учрашуви ғолиби билан тўқнаш келади.
Эслатиб ўтамиз, Teb BNP Paribas Istanbul Open турнирининг умумий мукофот жамғармаси 494,310 еврони ташкил этади. Мусобақанинг биринчи рақамли теннисчиси сифатида дунёнинг иккинчи ракеткаси швейцариялик Рожер Федерер қайд этилган. Ушбу турнир ғолиби 80 минг евро муклофот пули ҳамда 250 рейтинг очкосига эга бўлади.
