"Реал" ҳимоячиси Альваро Арбелоа "Альмерия" дарвозасига киритилган учинчи голдан кейин жамоадоши Криштиану Роналдунинг реакциясига изоҳ берди.
Бу вазиятда Роналду Арбелоадан кейин турганди ва голни у уриши ҳам мумкин эди. Криштиану голни ўзи киритмаганидан афсусланганини яширмаган эди.
"Роналдунинг голимга реакциясидан хафа эмасман. Бу унинг курашга ва гол уришга чанқоқлигидан дарак беради. Бундан ҳеч ким хафа бўлиши керакмас, чунки Криштиану Лионель Месси билан энг яхши тўпурар бўлиш учун курашмоқда", - дейди Арбелоа.
Учрашув 3:0 ҳисобида мадридликлар ҳалабаси билан тугади, Роналду гол ура олмади. Унинг ҳисобида 39 гол бор, Мессида эса битта гол кам.