1 май куни олий лиганинг 7-тур баҳсларига старт берилади. Шу куни "Локомотив" сафарда "Насаф"га қарши майдонга тушади. Қуйида ўзаро ўйинлар билан боғлиқ баъзи маълумотларни келтириб ўтамиз.   Олий лига. 7-тур. 1 май   «Насаф» (Қарши) - «Локомотив» (Тошкент) Ҳакамлар: В. Цейтлин (Тошкент), Ҳ. Шодмонов (Бухоро), А. Цапенко (Тошкент вил.), Н. Болтаев (Навоий) Назоратчи: И. Шарипов (Бухоро).   Бу икки клубнинг йўли олий лига ўйинларида 20 бор кесишган. Ҳозирча устунлик “Насаф” томонида. 11та ўйинда қаршиликларнинг қўли баланд келган бўлса, 4та учрашувда “Локомотив” ғолиб бўлган. Беш учрашувда ғолиб аниқланмаган. Тўплар нисбати ҳам “Насаф” фойдасига. “Аждарлар” шу кунга қадар ўзаро ўйинларда 30та гол киритиб, ўз дарвозаларидан 19 марта тўп олиб чиқишган. Ўзаро ўинларда “Насаф” 38 очкони, “темирйўлчилар” эса 17 очкони қўлга киритишган.   “Насаф” олий лигада “Локомотив” устидан 5:1 ҳисобида ғалаба қозонган. Бу ўзаро ўйинда воҳаликларнинг энг йирик ғалабаси ҳисобланади. “Локомотив”нинг ўзаро ўйинлардаги энг йирик ғалабаси эса 5:2 бўлиб турибди.   Ўтган йил 2-турда Тошкентда бўлиб ўтган ўйинда ҳисобни мезбонлар вакили Иброҳим Раҳимов очганди. Бунга “аждарлар” учрашувнинг асосий вақтига қўшиб берилган иккинчи дақиқада Илҳом Шомуродов томонидан урилган гол билан жавоб беришган - 1:1. Қаршида эса “Локомотив” йирик ғалабага эришган. Фарҳод Тожиев, Дилшод Раҳматуллаев, Александр Гейнрих (иккита) ва Садриддин Абдуллаевнинг голларига мезбонлар сафида Илҳом Шомуродов ва Кенжа Тўраев жавоб беришган - 2:5.   Қаршида ўтган охирги беш учрашув: 11.04.2009 «Насаф» - «Локомотив» 1:1 26.10.2010 «Насаф» - «Локомотив» 2:0 17.11.2012 «Насаф» - «Локомотив» 0:2 25.05.2013 «Насаф» - «Локомотив» 2:1 10.08.2014 «Насаф» - «Локомотив» 2:5   Ўзаро ўйинлар ҳақида факт: Қаршида бўлиб ўтган 10та ўйиннинг 7тасида “Насаф”нинг қўли баланд келган. Икки ўйинда “Локомотив” уч очко эгасига айланган. Яна битта учрашувда дуранг қайд этилган.