Тартиб-Интизом қўмитаси йиғилиши бўлиб ўтди. Унга кўра, қуйидагиларга нисбатан интизомий чоралар кўрилди.
Ўзбекистон Кубоги
"Машъал-2" клубига қарши кечган Ўзбекистон Кубоги 1/16 финал баҳсида рақибига нисбатан қўпол ўйнагани учун майдондан четлатилган "Андижон" ярим ҳимоячиси Фарҳодбек Бекмуродов 2 ўйинга дисквалификация қилинди.
"Сўғдиёна"га қарши Ўзбекистон Кубоги 1/16 финал ўйини якунлангач, учрашув ҳакамига тўпни отиб юборгани ва ҳакамни ҳақорат қилгани учун "Уз-Донг-Жу" ярим ҳимоячиси Шахбоз Жумабоев 2 ўйинга четлатилди.
"Шердор"га қарши Ўзбекистон Кубоги 1/16 финал баҳсида майдондан четлатилган "Машъал" ҳужумчисиШохруҳ Достонов икки ўйинга четлатилди ва жаримага тортилди.
Ёшлар Биринчилиги
"Қизилқум"га қарши 4-тур учрашувида майдондан четлатилган "Пахтакор" ҳимоячиси Мурод Холмуҳамедовтехник зонада захира ҳакамини ҳақорат қилгани учун 2 ўйинга дисквалификация қилинди.
"Динамо"га қарши 5-тур учрашувида майдондан четлатилган "Локомотив" ярим ҳимоячиси Сардорбек Аҳмадалиев рақиб футболчисини ҳақорат қилгани учун 2 учрашувга дисквалификация қилинди.
"Навбаҳор"га қарши кечган 6-тур учрашувида агрессив ҳатти-ҳаракати учун майдондан четлатилган Динамо ярим ҳимоячиси Тимур Шарипов 2 ўйинга четлатилди.
Ўзбекистон Биринчилиги
"Ёзёвон-Лочинлари"га қарши 4-тур учрашувида ўз жамоадошини ҳақорат қилгани учун майдондан четлатилган "Хотира-79" ярим ҳимоячиси Исломжон Абдуқодиров 2 ўйинга дисквалификация қилинди.
"Бунёдкор-2"га қарши 3-тур учрашувида майдондан четлатилган "Пахтакор-2" ярим ҳимоячиси С. Давлатжонов 3та ўйинга дисквалификаци қилинди.
"Оқтепа" клубига қарши 4-тур учрашувида жиддий қоида бузгани учун майдондан четлатилган "Бунёдкор-2" ҳимоячиси Шаҳзод Абдураҳимов 2 ўйинга четлатилди.
"Ғиждувон" клубига қарши 4-тур учрашувида бош ҳакамни ҳақорат қилгани учун майдондан четлатилган "Шердор" клуби бошлиғи М. Исматов жаримага тортилди. Шундай ҳолат такрорланган ҳолатда жиддий чоралар кўрилади.
"Ғиждувон"га қарши 5-тур учрашувида ҳакамни ҳақорат қилгани учун майдондан четлатилган "Зомин" вице-президенти И. Собиров жаримага тортилди. Шундай ҳолат такрорланган ҳолатда жиддий чоралар кўрилади.
