"Манчестер Юнайтед" яримҳимоячиси Маруан Феллайни жамоа бош мураббийи Луи ван Гал уни қандай қилиб жаримага тортганини сўзлаб берди.
"Бир куни мен ва яна тўққиз киши тушликка бир дақиқа кечиккан эдик, шунда Луи ван Галнинг жаҳли чиққан эди. Сиз бир дақиқани арзимас ҳисоблайсизми, бунинг устига машғулот эмас, тушликка? Аммо Ван Гал бундай деб ҳисобламайди.
У бизни жаримага тортди. Бизда кечикканларни ва қизил карточка олганларни шундай жазолашади. Ўйиндаги қўпол қоида бузганлик учун ҳам жарима бор", - дейди Феллайни.