Ушбу турда Фарғонада меҳмон бўлган «Динамо» жамоаси сафарда чемпионат пешқадамларидан бири «Нефтчи» клубига мағлубиятга учради.
Учрашувдан олдин Тачмурод Агамуродов жамоа таркибида мажбурий ўзгаришлар қилишга мажбур бўлди. Тенгкурашлар остида бошланган учрашувнинг 18-дақиқасида Аббосбек Махсталиев ўйинда ҳисобни очган бўлса, бўлим якунида Жавоҳир Расулов томонидан киритилган гол мезбонларга бўлимни ишончли натижа билан якунлашларига сабабчи бўлди – 2:0.
Биринчи бўлимда мезбонлар устунликка эришган бўлишса, ўйиннинг иккинчи қисмида «Динамо» футболчилари майдонда ҳужумкорликни оширишди. Натижада кетма-кет ҳужумлардан бири 80-дақиқада ҳисобнинг қисқариши билан якунланди. Павел Смоляченко собиқ жамоаси дарвозасини ишғол этди, 2:1.
Шундан сўнг ҳисобдаги мувозанатни тиклаш учун ҳужумкорликни туширмаган меҳмонлар 88-дақиқада қарши ҳужумдан гол уриб якуний ҳисобни ўрнатишди – 3:1.
Олий Лига. 8-тур. 9 май (шанба)
«Нефтчи» (Фарғона) – «Динамо» (Самарқанд) 3:1
Голлар: А.Махсталиев 18, Ж.Расулов 43, Ойбек Нурбоев 88 – П.Смоляченко 80.
«Нефтчи»: 30. Евгений Черемисин, 3. Шукурали Пўлатов, 32. Жаҳонгир Меҳмонов, 33. Сардор Раҳмонов, 21. Муҳсин Убайдуллаев, 44. Умиджон Қодиров, 38. Аббос Маҳситалиев (11.Отабек Ҳайдаров, 70), 18. Жавоҳир Расулов, 9. Шерзод Ҳакимов (8.Акмал Холматов, 62), 7. Мансур Саидов, 22. Рўзимбой Аҳмедов (4.Ойбек Нурбоев, 79).
«Динамо»: 27. Андрей Мелничук, 5. Ильдар Маматказин (4.Бунёд Исроилов, 46), 6. Максимилиан Фомин, 7. Отабек Зокиров, 9. Павел Смольяченко, 10. Азиз Ибрагимов, 16. Акмал Холмуродов, 26. Комил Шарофиддинов, 29. Маъруф Муродов, 55. Аваз Агалиев, 95. Фирдавс Абдусалимов (33.Николай Чипов, 46).
Огоҳлантиришлар: Ш.Пўлатов 78 - И.Маматказин 25, М.Фомин 69.
