"Реал" ҳимоячиси Пепе "Валенсия"га қарши (2:2) Испания чемпионати 36-тур ўйини ҳақида ўз фикрларини билдириб ўтди.
"Чемпионлик курашидаги ҳолатимиз жуда ёмонлашди. Биз ўйинни ўта бўш бошладик, аммо бу ерда ҳакамнинг ҳам муносиб "ҳиссаси" бор.
Рефере ўйин қоидасини бузмаган ҳолатларда ҳам бизга қарши жарима зарбаси белгилайверди. У оддий вазиятлардаги хатолари эвазига ўйинни мураккаблаштириб юборди.
Крооснинг жароҳати қай даражада жиддий эканини билмайман, аммо тикланиб олиши учун унда муайян вақт бор.
Стадион Касильясга нисбатан хуштакбозлик қилдими? Буни қабул қилиш оғир. Бизга хуштакбозлик эмас, мухлисларнинг мадади зарур. Биз ғалабага биргаликда эришамиз, мағлубият аламини ҳам бирга енгиб ўтамиз", - дейди Пепе
