Бугун Ўзбекистон чемпионатининг 8- турида "Навбаҳор" ўз майдонида "Насаф"га қарши ўйин ўтказади. Бугун ёшлар биринчилигида ""Навбаҳор! ёшлари ўз тенгқурларини 2:0 ҳисобида мағлуб этишди.

Жамоаларнинг ўзаро тўқнашувига тўхталиб ўтсак. Бугунги беллашув клубларнинг Олий лигадаги 36- тўқнашувидир. Шу пайтга қадар ўтказилган 36 ўйинда "аждарлар" 19 маротаба ғолибликни қўлга киритишган. "Навбаҳор" эса 10 бор "Насаф"ни ранжитган. 7 баҳсда дуранг натижа қайд этилган. Эътиборлиси, тўплар нисбатидаги кўрсатгич "Насаф" фойдасига атиги 1 тўпга фарқ қилади (55-56). "Лочинлар" Намангандаги тўқнашувларнинг 18 тасидан 4 тасида "аждарлар"га имкониятни бой беришган. Эътиборлиси, қаршиликлар 2006 йилга қадар "Навбаҳор"ни меҳмонда таслим этишни уддасидан чиқишмаган.

"Навбаҳор" "Насаф"ни 2004 йилда 6:0 ҳисобида мағлубиятга учратган. Ушбу ҳисоб ҳозиргача жамоамизнинг рақиб устидан қозонган энг йирик ғалабаси бўлиб турибди. "Насаф" аламини 2013 йил ўз майдонида олишга муваффақ бўлди. Қаршида наманганликлар ўз дарвозаларидан жавобсиз бешта тўп ўтказиб юборишган. Эътиборлиси, ушбу натижа "Навбаҳор"нинг "Насаф"га қарши ўйинлар тарихидаги дастлабки ва сўнгги йирик ҳисобдаги мағлубият бўлиб сақланиб қолди. 2001 йилда жамоалар энг сермахсул беллашувни ўтказишган. 14 йил аввал Наманганда томошабинлар 8 та голга гувоҳ бўлишганди.

Томонларнинг ўтган мавсумдаги дастлабки тўқнашувида Бахтиёр Ашурматов шогирдлари 1:0 ҳисобида рақибни таслим этганди. Косонсойдаги ўйингоҳда Алишер Маҳмудовнинг ягона голи учрашув тақдирини хал қилганди.

Бугунги ўйинни Ҳасан Рўзиев бошқариб боради. Унга қанотларда Маъмур Саидқосимов (Тошкент) ҳамда Руслан Серазетдинов (Тошкент)лар ёрдам беришса, захира ҳаками сифатида Аҳмаджон Эргашев (Тошкент) қайд этилган. Баҳс назоратчиси тошкентлик Артём Арутюнов келади. Учрашув соат 18.00 да бошланади. Чипталар нархи 5000 сўм.

Ўзаро ўйинлар:

1997 йил
“Навбаҳор” – “Насаф” 3:1
1998 йил
“Навбаҳор” – “Насаф” 0:0
1999 йил
“Навбаҳор” – “Насаф” 4:3
2000 йил
“Навбаҳор” – “Насаф” 3:1
2001 йил
“Навбаҳор” – “Насаф” 6:2
2002 йил
“Навбаҳор” – “Насаф” 1:1
2003 йил
“Навбаҳор” – “Насаф” 4:0
2004 йил
“Навбаҳор” – “Насаф” 6:0
2005 йил
“Навбаҳор” – “Насаф” 2:1
2006 йил
“Навбаҳор” – “Насаф” 2:3
2007 йил
“Навбаҳор” – “Насаф” 1:1
2008 йил
“Навбаҳор” – “Насаф” 1:1
2009 йил
“Навбаҳор” – “Насаф” 0:1
2010 йил
“Навбаҳор” – “Насаф” 1:1
2011 йил
“Навбаҳор” – “Насаф” 1:1
2012 йил
“Навбаҳор” – “Насаф” 1:2
2013 йил
“Навбаҳор” – “Насаф” 1:2
2014 йил
“Навбаҳор” – “Насаф” 1:0