"Атлетико" яримҳимоячиси Коке ЕЧЛ яримфинал ўйинларида "Реал" дарвозасига икки тўп киритган "Ювентус" ҳужумчиси Альваро Моратанинг ютуғидан хурсанд эканини билдирди.
"Албатта, Мората ва Льоренте учун хурсанд бўлдим. Мен Альваро билан бир неча йиллардан буён дўстман. Мен у билан "Атлетико" ва Испаниянинг ир неча ёш терма жамоаларида бирга ўйнаганман. Энди мамлакат боштерма жамоаси шарафини ҳимоя қиляпмиз", - дейди Коке.
Эслатиб ўтамиз, Мората ёшлигида "Атлетико"да ўйнаган кейин "Реал"га йўл олган. Ўтган мавсум якунида ўйин амалиёти излаб "Ювентус"га ўтди ва тақдир тақозоси билан ўзининг собиқ жамоаси "қотили"га айланди.