Кеча Туркия биринчи лигасида 33-тур учрашувлари ўтказилди.
Ҳамюртимиз Асрор Гафуров тўп сураётган “Манисаспор” жамоаси бу гал “Денизлиспор” меҳмони бўлди. Мезбонларнинг устунлигида кечган беллашув якунида 2:0 ҳисоби қайд этилди ва “Маниса” мағлубиятга учради.
Асрор Гафуров учрашувни бошланғич таркибда бошламади. У дастлаб захирада қолдирилди. Лекин ўйин “Манисаспор” учун кўнгилдагидек кетмаётгани боис жамоа устози иккинчи бўлимга янги кучларни ташлади. Гафуров ҳам 46 дақиқадан майдонга туширилди. Лекин манисаликлар ҳар қанча уринишмасин учрашув “Денизлиспор” фойдасига ҳал бўлди.
Денизлиспор – Манисаспор 2:0
Голлар: Чиҳан Озкаймак (33), Вели Ачар (89, пен)
Денизлиспор: Казим Сари, Чиҳан Озкаймак (84 эмаҳ Бозкурт), эрчағ эвирген (65 Мерт Чакар), Вели Ачар, Серкан Атак, Мустафа Кечели, Фуркан Шекер, эмре Жан Кошкун, Меҳмет Жансıн Чичек, Шенол Акин (81 Муҳаммет Ҳикмет эртурк), Генков.
Манисаспор: Байрам Олгун, эрди Онер, Метин Юксел, Микич, Берк Незироғлу, Ҳакан Бариш (64 Исмаил Косе), Оғузҳан Каяр (46 Шабан Йилмаз Генишюрек), Ҳакан Туран, Гокҳан Саздағи, Димитров, Чағдош Атан (46 Асрор Гафуров)
Четлатиш: Ҳакан Туран (88, Манисаспор)
“Манисаспор” ҳисобидаги очколар сони ушбу турдан сўнг ўзгаргани йўқ. Ҳамюртимизнинг жамоаси 33 учрашувда 30 очко жамғариб, мусобақа жадвалининг 17-поғонасини эгаллаб турибди. Кейинги турда “Манисаспор” уйда “Гиресунспор”ни қабул қилади. Ушбу учрашув 23 май куни ўтказилади.
Шу ўринда таъкидлаб ўтишимиз жоиз, келаётган 34-тур Туркия биринчи лигаси 2014/15 мавсумига якун ясаб беради. Чемпионат якунлангач ҳамюртимиз таътилни ўтказиш учун Ўзбекистонга келади ва сайтимиз меҳмони бўлади. Асрор Гафуров билан бўладиган интервьюни яқин кунлар ичида ўқишингиз мумкин бўлади.
