“Ювентус” бош мураббийи Массимилиано Аллегри жамоасининг “Лацио”га қарши Италия Кубоги финалидаги ўйини борасида тўхталиб ўтди.
“Лацио” ажойиб ўйин ўтказди. Биз ушбу учрашув А Сериянинг одатий ўйинига ўхшамаслигини тушуниб тургандик. Ўйлаганимиздек, баҳс финалга мос руҳда кечди.
Биз ҳам, рақиб ҳам яхши ўйнади. Тўп дарвоза тўсинига тегиб қайтганида, “Лацио”нинг омади келмади. Аммо ўша омад бизга кулиб боқди ва биз ҳал қилувчи тўпни киритдик.
Футбол кутилмаган воқеалардан иборат. Рақибнинг голига қадар бизда бир неча қулай имконият юзага келганди.
Мамлакат чемпионати ва Италия Кубогини қўлга киритишимиз осон кечмади. Энди учинчи совринни ютишга ҳаракат қилиб кўрамиз”, - дея sports.ru Аллегри фикрларини келтиради.
