Олий лига 10-тури доирасида бўлиб ўтган «Сўғдиёна» — «Пахтакор» (0:3) учрашувидан сўнг меҳмонлар устози Самвел Бабаян матбуот анжуманига ташриф буюрди.

 

С.Бабаян: — “Сўғдиёна” билан ўйинларда рақибнинг ҳамиша майдонда кескин кураш олиб боришини яхши биламиз. Бугун биз савия ўртасидаги фарқ эвазига ғалабани қўлга киритдик деб ўйлайман. Муваффақиятга арзирли футбол кўрсатдик.

Ютган пайтимизда ҳам барибир ўйинни яхшилаш устида ишлаймиз. Ишлаш ва ривожланишдан тўхтаб қолмаслик зарур. Тўпни сақлашда яхши ўйнай олмадик. Мезбонларнинг устунлиги ғалабага ташналик эди. Биз бунга тайёр эдик ва яккакурашларда устун чиқдик. Файзиев юқори савиядаги футболчиларга эга эмасдир, лекин у ҳамиша жамоани курашга чорлай олади. Аввалги учрашувларда айнан шунга гувоҳ бўлгандим.