“Челси” ҳужумчиси Дидье Дрогба лондонликлари дарвозабони Петр Чехнинг жамоада қолишини исташини маълум қилди. Чех “Челси” сафида 2004-йилдан буён тўп суриб келади, аммо бу йилги мавсум Тибо Куртуа билан рақобатни бой бергани сабаб ёзги трансферлар вақтида жамоасини алмаштирмоқчи.
“Клуб Чехни олиб қолиши керак деб ўйлайман, чунки ҳамма унинг “Челси” учун нақадар муҳим футболчи эканини билади. Клуб у қанай қарорга келишидан қатъий назар Чехни тўғри тушунади. Агар Петр жамоада қолишни истаса у шу ерда қолади ва ҳамма бундан фақат хурсанд бўлади. Борди-ю у кетишни хоҳласа унинг бу қарорига ҳам эътирозлар бўлмайди. Лекин биз ҳаммамиз Петр жамоада қолишини истаймиз”, — дея Дрогба сўзларини келтиради Championat.com.
Бу йилги мавсум Англия чемпионатида 33 ёшли чехиялик дарвозабон жами 7 ўйин ўтказган ва уларда 2 гол ўтказиб юборган.