Анчайин шов-шувли иқтибослари билан ном қозонган “Наполи” президенти Аурелио Де Лаурентис Неаполь жамоасининг амалдаги бош мураббийи Рафаэль Бенитеснинг ёзда “Реал”ни бошқариши ҳақида тарқалган гап-сўзлар изоҳ билдириб ўтди.
“Бенитес номзодини Флорентино Пересга тавсия қилдимми? Мен уни ҳар қандай клуб президентига тавсия қилишим мумкин, аммо Перес шусиз ҳам маслаҳатимга муҳтож эмас.
Агар Рафа “Реал”га кетса, бу икки йил аввал уни танлаб хатоликка йўл қўймаганимни англатади.
Флорентино Рафаэлга ҳар томонлама уни қониқтирадиган шартнома таклиф этишига умид қиламан”, — дея Де Лаурентис сўзларини келтиради Sports.ru.
Эслатиб ўтамиз, бугун испаниялик мураббийнинг ёзги трансферлар вақтида Италия клубини тарк этиши расман ўз тасдиғини топди.
