“Барселона” ҳамда Уругвай терма жамоаси ҳужумчиси Луис Суарес Испания кубогининг “Атлетик” Бильбаога қарши ўтадиган финал учрашувида иштирок этиши мумкин, деб хабар бермоқда Sports.ru.
Футболчи шифокорлар тиббий кўригидан муваффақиятли ўтган ва жамоа врачлари унинг учрашувда иштирок этишига эътироз билдиришмаган.
Аввалроқ форварднинг умумий гуруҳ машғулотларига шифокорлар рухсатисиз қўшилиб кетгани ҳақида хабарлар тарқалганди.
Футболчи бу йилги мавсум каталонияликлар сафида Испания Примераси доирасида 27 учрашув ўтказган ва уларда 17та гол киритган.
