"Краснодар" яримҳимоячиси Одил Аҳмедов футбол эксперти Александр Бубновнинг сўзларига муносабатини билдирди.
Футбол эксперти ўзбек футболчиси ҳозирнинг ўзидаёқ "Барселона" ва "Реал"да ўйнаб кетиши мумкинлигини айтган эди.
"Бизда, "Краснодар"да ўйин услуби шундай: ҳар бир футболчи кўпроқ тўп ошириши керак. Ҳимоячилар менга, таянч зонасига тўп узатадилар, мен дарҳол тўпни яримҳимоячи ва ҳужумчиларга ошираман. Шундай ўйинар бўладики, барчаси ўнгидан келади. ЦСКА билан ўйинда шундай бўлди. Олдинга қарамай узатасан, тўп шеригингга бориб тушади.
"Барселона" ва "Реал"га қачон йўл оламан? Тан оламан, кучимни кучлироқ чемпионатларда синаб кўришни истасамда, ҳали бундай даражада ўйнай олмайман. Бунга улгурсам керак", - дейди Аҳмедов.
