"Интер" ҳужумчиси Мауро Икарди ҳозирги клубида қолишини маълум қилди.
Икарди якунига етган мавсумда А сериянинг энг яхши икки тўпурардан бири бўлди. Ундан ташқари "Верона" ҳужумчиси Лука Тони ҳам 22 гол урган.
"Ҳамма чемпионлар лигасида ўйнашни истайди, аммо мен "Интер"да бахтиёрман. Умид қиламанки, янги мавсумда биз кучли жамоа бўламиз ва катта муваффаққиятларга эришамиз. Ҳозир клуб билан музокара олиб боряпман, вақт керак, аммо мен оптимистик хаёллардаман", - дейди Икарди.