"Қўқон-1912" - "Навбаҳор" учрашувидан сўнг ташкил этилган матбуот анжуманида даст аввал "Навбаҳор" бош мураббийи Бахтиёр Ашурматов ишитрок этди, дея хабар бермоқда "Навбаҳор" расмий сайти. 

- Ўйлайманки, бугунги ўйинларидан қўқонликлар уялмасликлари керак. Чунки бугун тенгма-тенг ўйин намойиш этилди. Мухлислар натижадан хафа бўлишсада, охиригача кечган курашдан хурсанд бўлишди деб ўйлайман. "Қўқон-1912"да ҳам "Навбаҳор"да ҳам ажойиб мухлислар бор. Ҳар икки томон ишқибозларига миннатдорчилик билдираман. Йил бошида жамоа тузаётганимизда 10-11 ўрин учун курашадиган таркиб шакллантиришни истамагандик. Бошқа мураббий ҳам 12-13 ўринлар учун кураша олади. 

Бугунги баҳс хал қилувчи ахамиятга эга эди. Агарда мағлуб бўлганимизда, 12-13 ўринлар учун курашишимизга тўғри келарди. Биринчи давра якунига етгач жамоада ўзгариш бўлиши мумкин. Мухлисларимиз бироз кутиб туришса, ҳозирги чигал вазиятга бархам берилади. Жамоа рахбарияти билан келишган холда Олимпия терма жамоаси ва "Навбаҳор" учун фойдали қарорни қабул қилишимиз керак. Вилоят хокимига, бизга бириктирилган хомийларга катта рахмат айтаман. Улар шароит яратиб беришмоқда. Молиявий жихатдан муаммо бизда йўқ. Йигитлар ўтган мавсумда "Бухоро"дан меҳмонда ғалаба билан қайтишган. Шу боис уларга ўйиндан аввал ўзларига бўлган ишончни қайтаришларини таъкидладим.