Германия футбол иттифоқи раҳбари Вольфганг Нирсбах Германия Россияда ўтадиган жаҳон чемпионатини бойкот қилишга қўшилмаслигини маълум қилди.
Эслатиб ўтамиз, кўпгина миллий футбол федерациялари коррупция туфайли Зепп Блаттернинг ФИФА президентлигига қайта сайланганидан норози.
Аввалроқ УЕФА раҳбарлари ФИФА таркибидан чиқиб ва бу ташкилот байроғи остидаги мусобақалардан қатнашмасликни истаган эдилар.
"Биз бойкотлар йўлидан бормаймиз. Бу йўл ҳеч қаерга олиб бормайди. Биз бир нечта ассоциацияларга бўлиниб кетган бокс ҳолига тушмаслигимиз керак. Бу яхши иш бермайди", - дейди Нирсбах.
