Германия футбол иттифоқининг собиқ раҳбари Тео Цванцигернинг фикрича, Қатардан ЖЧ-2022 мезбонлигини олиб қўйиш керак.
Унинг сўзларига кўра, ФИФА президенти Йозеф Блаттер истеъфога чиққач, Қатардан ЖЧ-2022 мезбонлигини қийинчиликсиз олиб қўйиш мумкин.
“Мен ҳар доим Қатарни жаҳон футболининг саратон ўсимтаси деб ҳисоблаганман. Ахир, Гессендан ҳам кичик бўлган бир мамлакат энг йирик футбол тадбирига мезбонлик қилиши мумкинми? Йўқ!”, - деди Цванцигер.
«Биз ушбу қарорни қайта кўриб чиқишимиз керак, деб ўйлайман. Бунга етарлича вақт бор. Блаттернинг кетиши – жаҳон футболи учун аъло даражаги имкониятдир”, - дея қўшимча қилди германиялик футбол амалдори.
