Ёшлар ўртасида жаҳон чемпионатининг "F" гуруҳи вакиллари Германия ва Ўзбекистон ёшлар терма жамоалари ўртасидаги учрашувда ёшларимиз йирик ҳисобда мағлубиятга учрадилар.
Учрашув бошиданоқ немис ёшлари ташаббусни қўлга олишди. Улар тўп муомаласида, ҳужумлар уюширишда устунлик қила бошладилар. Футболчилармиз ҳам тартибли ҳимояланишди, тўп узатишларда аниқ ҳаракат қилишди. Вақти-вақти билан қарши ҳужум уюштиришга уринишди. Аммо германияликлар футболчиларимизга имконият бермадилар.
Биринчи бўлим ўрталарида Ўринбоев узоқдан ноаниқ зарба бера олди, холос. 33-дақиқада сардоримиз Соҳибов дарвозамиздан 30 метрлар узоқликда рақибини ерга қулатди. Бир қарашда бу жуда узоқ масофа эди, аммо Штендера ўша масофадан жарима зарбасини жонли деворимиз устидан ошириб дарвозага жойлади.
Иккинчи бўлимда ҳам вакиллармизда фаоллик сезилмади. Бунинг устиа футболчилармиз оддий тўп узатишларда ҳам хатоликларга йўл қўя бошладилар. 60-дақиқада жарима майдончамиз олдида аввал бир ҳимоячимиз оддий ҳолатда тўпни олдириб қўйди, аммо хавф юзага келмади, унинг ортидан яна бир футболчимиз шеригининг хатосини такрорладива рақиблар сардори Кевин Акпогума бу хатоларга гол билан жавоб берди.
Асосий вақт тугашига 6 дақиқа қолганида биринчи гол муаллифи Штендера шериги билан "девор" услубида ўйнаб, жарима майдончамиз ичига кирди ва дарвозабонимизнинг яқин бурчагини аниқ нишонга олди — 3:0.
Шу тариқа, Германия ёшлари иккинчи турдаёқ кейинги босқич масаласини ҳал қилдилар.
ЖЧ U20. "F" гуруҳи
2-тур
Германия - Ўзбекистон 3:0 (1:0)
Голлар: Штендера (33, 84), Акпогума (59)
Германия - 1. Марвин Швайбе, 2. Гриша Проемел, 4. Кевин Акпогума (С), 5. Никлас Старк, 7. Левин Оезтунали, 8. Вилли Стейнман, 10. Марк Стендера, 11. Юлиан Брандт, 15. Марк Кэмпф, 16. Роберт Бауэр, 18. Хани Мухтар
Ўзбекистон - 12. Дилшод Ҳамроев, 2. Рустамжон Ашурматов, 3. Иброҳим Абдуллаев, 5. Одил Ҳамробеов, 6. Акромжон Комилов, 8. Жавоҳир Соҳибов (С), 9. Элдор Шомуродов, 10. Отабек Шукуров, 17. Достонбек Ҳамдамов, 19. Забиҳилло Ўринбоев, 20. Достонбек Турсунов.
