"Милан"нинг ҳужумкор яримҳимоячиси Ҳошим Мастур Италия эмас, Марокаш терма жамоасида ўйнашни афзал билди.
"Марокашни танладим, чунки ўзимни италияликдан кўра, кўпроқ марокашлик деб ҳис қиламан. Бу қароримдан хурсандман. Мен учун бу мамлакат шаънини ҳимоя қилиш - катта шараф", - дея Мастурнинг сўзларини келтиради Football Italia.
Эслатиб ўтамиз, 16 ёшли футболчи Италияда, марокашликлар оиласида дунёга келган, шунинг учун ватанни ўзи танлади. Аввал у Италия ўсмирлар терма жамоалари сафида ўйнаган.