Бокс бўйича пойтахтимизда ўтаётган Осиё чемпионатида барча боксчиларимиз ғалабали юришини давом эттириб, финалга йўл олишди. Бугунги ярим сўнгги икки учрашувида Яҳёхон Саидхонов ва Аббосхон Мирзаабдуллаев рингга кўтарилдилар.
Дастлаб 70 килограмм вазн тоифасида беллашган Яҳёхон қозоғистонлик Даулет Заушеавни 2:1 ҳисобида мағлубиятга учратди. Вазни 80 килограмм боксчилар баҳсида Жанубий Корея вакили Таекмин Кимга қарши жангга тушган Аббосхон рақибига қатор зарбалар йўллаб, унга имконият қолдирмади ва якунда ғалаба қозониб, чемпионлик учун курашни давом эттирадиган бўлди.
