18 июнь куни Бухорода катта футбол! Шу куни Бухоро вилояти шарафини ҳимоя қиладиган “Бухоро” жамоаси олий лига доирасида 13-тур учрашувини ўз майдонида Бекободнинг “Металлург” жамоасига қарши ўтказади.

Бухоро вилояти мухлислари бутун Ўзбекистонда ўзига яраша мавқейга эга. Ҳар йили бухоролик ишқибозлар стадионга ташриф буюриш бўйича Ўзбекистонда энг юқори ўринларни эгаллаб келишмоқда. Жамоа хоҳ мавсум давомида ижобий натижа қайт этсин, хоҳ салбий, бу нарса ишқибозларнинг жамоани қўллаб-қувватлашига деярли таъсир кўрсатмайди. Бухорлик мухлислар бу билан жамоага садоқатликларини пайқаш қийин эмас.

Ушбу мавсумда “Бухоро” жамоаси мавсумни ўз даражасидан паст тарзда ўтказмоқда, лекин шунга қарамай мухлислар стадионни тўлдириб, жамоага ушбу қийин паллаларда далда бўлишмоқда. “Бухоро” ПФК мухлисларга ўз миннатдорчилигини билдиради.

Мухлисларга қулайлик яратиш мақсадида бундан кейинги учрашувлар одатдагидан кечроқ, яъни соат 19:00да бошланади. Бундан ташқари мухлисларни хушнуд этадиган яна бир ишга қўл урилди. Биринчи давра охирига қадар “Бухоро” жамоасининг уй учрашувларига мухлисларнинг кириши мутлақо бепул бўлади.

“Бухоро” кейинги учрашувда ўз майдонида Бекободнинг “Металлург” жамоасини қабул қилади. Учрашув соат 19:00да бошланади.

Олий лига-2015. 13-тур.

“Бухоро” спорт мажмуаси. Соат 19:00

“Бухоро”(Бухоро)-“Металлург”(Бекобод)

Ушбу жамоаларнинг ёшлари бир кун олдин баҳс олиб боришади ва бу учрашув ҳам “Бухоро” спорт мажмуасида, соат 18:00да бошланади.

Ёшлар лигаси. 13-тур

“Бухоро” спорт мажмуаси. Соат 18:00

“Бухоро”(ёшлар)-“Металлург”(ёшлар)

П.С: Ҳар иккала учрашувга кириш БЕПУЛ!

Биз барча мухлисларни ушбу учрашувларга таклиф этамиз. Жамоани ушбу оғир дамларда ёлғизлатиб қўймайлик!