Испания суди Бразилиянинг DIS инвестиция компаниясининг шикоятини рўйхатдан ўтказди.
Компания Бразилия терма жамоаси ҳужумчиси Немарнинг "Сантос"дан "Барселона"га ўтган вақтида ўзини алданган деб ҳисобламоқда.
Неймар 2013 йилда "Барселона"га ўтган. DIS ушбу трансфер вақтида футболчининг 40 фоиз ҳуқуқига эга бўлганлигини таъкидламоқда ва натижада компания 40 миллион евро пулга эга бўлмаган. Компаниядагилар "Сантос", "Барселона" ва Неймар ўртасида тил бириктирув бўлган деб ҳисобламоқда.
Испания суди бу шикоятни февраль ойидан бери давом этаётган тергов ишларига қўшиб қўйишга рози бўлди. "Барса" раҳбарияти, клубнинг аввалги ва ҳозирги президенти Сандро Россель ва Хосеп Бартомеуга 13 миллион евро солиқни тўламаганлик айби қўйилган.
Россель дастлаб Неймар клубга 57,1 миллион еврога тушганлигини айтган, аммо кейинчалик клуб раҳбарияти футболчи билан қўшимча шартномалар ҳам борлигини тан олган, футболчининг отаси эса трансфернинг умумий суммаси 100 миллион евро атрофида бўлганини айтган эди.
