Колумбияга қарша кечган ўйинда рақиб ҳужумчиси Карлос Бакка билан юзага келган можаро туфайли майдондан четлатилган Бразилия термаси сардори Неймар ушбу вазиятга ўз муносабатини билдирди.
“Қоидалар ҳамиша менга қарши ишламоқда. Рақиблар мунтазам равишда менга нисбатан қўпол ўйин кўрсатиб, жаримадан қутилиб қолишмоқда.
Тўп беихтиёр қўлимга келиб тегса, ўша заҳоти менга сариқ карточка кўрсатиляпти. Ўйинни бошқаришни билмайдиган ҳакамлардан чарчадим.
Ўйин ҳақида нима дейишим мумкин? Биз ёмон ўйнадик. Барча масъулиятни ўз зиммамга оламан”, - дея soccer.ru Неймарнинг фикрларини келтиради.
