УЕФА Москванинг “Динамо” клубини бир йилга Еврокубоклардан четлатди. Ташкилотнинг молиявий масалаларни назорат қилиб борувчи Арбитраж палатаси “Динамо”га молиявий фэйр-плейни бузган, дея айб қўйди. Москва клуби ушбу қарор юзасидан Лозаннадаги арбитраж суди (CAS)га мурожаат қилиши мумкин.
Эслатиб ўтамиз, “Динамо” ўтган мавсум Россия премьер-лигасида 4-ўринни эгаллаган эди. Энди Европа Лигасида “Динамо”нинг ўрнини мавсумни 5-поғонада якунлаган “Рубин” эгаллайди.
Таъкидлаш жоиз, “Рубин” клубининг ўринбосарлар таркибида ҳамюртимиз Бобур Давлатов етакчи мақомига эга бўлиб олган. Ярим ҳимоячи бўлишига қарамай, у ўтган мавсум қозонликлар сафида тўпурарлик маҳоратини намойиш этди. Мураббийлар Давлатовни келаси мавсум асосий таркибга таклиф қилишларига умид билдириб қоламиз.
