Аргентина терма жамоаси ҳужумчиси Лионель Месси Америка кубогидаги дастлабки ўйинлар бўйича таассуротлар билан ўртоқлашди.
«Америка кубогида ғолиб чиқиш учун қўлдан келган барча ишни қиламан. Жамоамиз ўз ўйини билан бунга муносиб. Мусобақадаги ғалаба ЖЧ-2018 саралаш босқичи олдидан бизга катта куч беради. Ғолиблик нафақат ўйинчилар ва мураббийларга, балки бутун Аргентинага қувонч бағишлайди. Мухлислар соврин кутишмоқда.
Мусобақа биз учун анча қийин бошланди. Парагвай билан ўйинда хато туфайли ғалабадан маҳрум бўлдик. Кейин эса Уругвайга қарши қийин учрашув ўтказдик. Аргентина терма жамоаси ҳамиша футбол ўйнашга ҳаракат қилаётгани менга ёқмоқда. Парагвайга қарши ўйиндан кейин бошқа бундай хато қилмасликка қарор қилдик. Терма жамоа аъзолари билан бу ҳақда гаплашиб олдик», – дейди Месси.
