«Реал» бош мураббийи Рафаэль Бенитес келаси мавсумда жамоанинг ёш ярим ҳимоячиси Мартин Эдегорга "қаймоқранглилар" таркибида ўйин амалиётини беришни режалаштирмоқда.
Норвегиялик футболчи «Реал» билан жамоанинг Австралия ва Хитойда ўтказиладиган йиғинларига йўл олади. Эдегор асосий жамоа билан шуғулланади ва ўртоқлик ўйинларида майдонга туширилади. «Қироллик клуби» Эдегор ўзига берилган имкониятдан самарали фойдаланишига умид билдирмоқда.
Аввалроқ Эдегор ўйин амалиётига эга бўлиши учун «Реал» уни ижарага бериши ҳақида хабар тарқатилганди.
