Мали ёшлар терма жамоаси яримҳимоячиси Адама Траоре Янги Зеландияда ўтган ёшлар ўртасида жаҳон чемпионатининг (U20) "Олтин тўп"ини қўлга киритди, дея хабар беради ФИФА расмий сайти.
Траоре мусобақанинг 7 учрашувида 4 гол урди. "Кумуш тўп" Бразияли ёшлар термасининг сардори Данилога насиб этди. "Бронза тўп"га сербиялик футболчи Сергей Милинкович-Савич эга бўлди.
Мусобақа тўпурарига учун "Олтин бутса" соврини Украина ёшлар терма жамоаси яримҳимоячиси Виктор Коваленкога берилди. Коваленко тўрт учрашувда 5 гол (барчасини ўйиндан) киритган.
Эслатиб ўтамиз, мусобақа финалида Сербия ёшлар терма жамоаси Бразилиялик тенгдошлари устидан ғалаба қозониб, ёшлар ўртасида жаҳон чемпиони унвонига сазовор бўлди.
