Кеча Испания Ла Лигасига йўлланма берувчи сўнгги плей-офф баҳси жавоб учрашуви бўлиб ўтди.
Унга кўра, "Лас Пальмас" клуби плей-офф жавоб учрашувида "Сарагоса"ни 2:0 ҳисобида мағлуб этди ва сафардаги гол эвазига икки учрашув якунига кўра "Сарагоса"дан устун келди. Жамоаларнинг илк учрашувида "Сарагоса" ўз майдонида 3:1 ҳисобида ғалаба қозонган эди.
Шу тариқа, "Лас Пальмас" янги мавсумда Ла Лигада иштирок этиш ҳуқуқини қўлга киритди. Таъкидлаш жоиз, жамоа Испания Ла Лигасида сўнгги бор 2002 йилги мавсумда иштирок этган эди.
Маълумот учун, Сегундадан Испания Ла Лигасига "Лас Пальмас"дан ташқари "Бетис" ҳамда "Спортинг" жамоалари йўлланмани қўлга киритишган.