"Порту" ҳужумчиси Жексона Мартинеснинг агенти Луис Энрике Помпео ўз мижозининг "Атлетико"га ўтганини тасдиқлади.
"Бизга қизиқиш билдирган "Милан"га миннатдорчилик билдирамиз, айниқса қаттиқ уринган Адриано Галлианига. Аммо Жексон "Атлетико"ни танлади, унга бу лойиҳа маъқул келди.
Ишамалга ошди,шунинг учун бу ҳақда эълон қиляпман. Мартинес тўрт йилгашартнома тузди ва "Атлетико" унинг товон пулини тўлади",- дейди Помпео.
28 ёшли Мартинес ўтган мавсум Португалия чемпионатининг 30 учрашувида 20 та гол уриб, энг яхши тўпурар бўлди. У ҳозирда Колумбия терма жамоаси билан Америка кубогида бўлиб турибди.
