«Ливерпуль»нинг собиқ ярим ҳимоячиси Стивен Жеррард мавсум якунига етганидан сўнг клубни тарк этиши кераклигини 2014 йил ноябрида тушуниб етганини тан олди.

Бу Чемпионлар лигаси доирасидаги «Реал»га қарши ўйинда юз берган, ўшанда у иккинчи тайм ўрталарида майдонга тушганди. 

«Айнан ўшанда мен энди нима қилишим кераклиги ҳақида ўйлай бошладим. Ўшанда Брендан Рожерс билан бир неча бор суҳбатлашдим. У менга: «Сенинг ўйин вақтингни кузатиб бораман. Сен бардам бўлишингни хоҳлайман, шу сабабли ҳам сени бир ҳафта давомида учта ўйинга тушира олмайман, чарчаб қоласан», - деди 

Ўша ҳафта биз «Реал» билан ўйнагандик, бу ўзига хос вазият бўлди. Мен майдонга тушишни жуда ҳам хоҳлагандим, бироқ захирада қолдим. Бундан ташқари, ўша ўйин клубни тарк этиш керак, деган фикрга ундади», - деди Стивен Жеррард.