Ўзбекистон терма жамоасининг янги бош мураббийи Самвель Бабаянга чет эллик маслаҳатчи мураббий ёрдам беради. Бу ҳақда "Правда Востока" газетасига таяниб UzDaily.uz хабар бермоқда.
Хабарга кўра ЎФФ ижроқўм йиғилишида Миржалол Қосимов ва Бахтиёр Ашурматовнинг истеъфоси қабул қилинган. ТЖМ маркази раҳбарлари Асқар Толибжонов ва Рустам Акрамовга, шунингдек ПФЛ раҳбари Фарҳод Магометов ва ЎФФ бош котиби Сардор Раҳматуллаевга ҳайфсан эълон қилинган.
Хабар қилинишича, маъмурий жазоларнинг маъноси битта - натижа бўлмаса, ҳамма ишдан кетади.
Самвел Бабаян Ўзекистон терма жамоасида иш бошлагани учун "Пахтакор" менежери вазифасини тарк этиши кераклиги айтилди. Унга Равшан Ҳайдаров ёрдам беради.
Терма жамоалар марказига 20 кун ичида чет эллик маслаҳатчи мураббийликка номзод топиш вазифаси қўйилди. Мамалакат бош жамоасининг бош мақсади - мундиалда иштирок этиш, деб ёзади газета.
