"Сўғдиёна" - "Қўқон-1912" (2:1) учрашувидан сўнг ташкил этилган матбуот анжуманида Рустам Абдуллаев қатнашди.

Аввало рақибни бугунги ғалаба билан ва Жиззах аҳлини янги стадион билан табриклайман.

«Сўғдиёна» билан бунгача икки бор ўйнадик. Шундан келиб чиқиб ғалаба мақсадида тактика ишлаб чиққандик. Аммо кўп вазиятларда нимадир етишмади. Сардор Эминов биринчи таймда бирга-бир вазиятда гол урганида ўйин сурати ўзгариб кетиши ҳам мумкин эди. Жуда алам қилди бу вазият.

Пенальтига келсак, буни бермаса ҳам бўларди назаримда. 50х50 вазият эди. Ҳакамлар ишини назоратчи кўриб чиқар. Албатта пенальти ҳам руҳан таъсир қилди.

Ҳали олдимизда яна бир қатор ўйинлар бор. Йигитларга ишонаман. Улар билан инқироздан чиқиб кетамиз.

Қўқонлик ишқибозларимизни хурсанд қилмоқчи эдик. Барибир бўлмади. Йигитлар ҳозир руҳий ўрага тушиб қолган. Бу вазиятдан чиқиб кетиш учун битта ғалаба керак. Кейин ҳаммаси яхши бўлишига ишонаман.