Чилида бўлиб ўтаётган 2015 йилги Америка кубогининг чорак финали доирасидаги яна бир учрашув Аргентина ва Колумбия ўртасида ўтказилди.
Учрашув давомида устунлик тўлиқ Херардо Мартино шогирдлари томонида бўлган бўлса-да, асосий вақтда ҳисоб очилмади. Америка кубоги регламентига кўра, плей-офф босқичида қўшимча бўлимлар белгиланмайди, навбат дарҳол пенальтилар сериясига берилади. "футбол лотереяси"да аргентиналикларнинг омади келди. Томонлар 7 мартадан зарба йўллашди.
11 метрлик нуқтасидан зарба беришда Колумбия терма жамоасининг Хамес, Фалькао, Куадрадо ва Кардона каби футболчилар аниқ ҳаракат қилишган бўлса, Суньига, Мурильо ва Муриэль каби футболчилар имкониятдан фойдалана олишмади.
Аргентинанинг икки футболчиси, Биглия ва Рохо зарба беришда адашишди, лекин Месси, Лавесси, Банега, Гарай ва Тевес аниқ ҳаракат қилиш эвазига жамоага 5:4 ҳисобидаги ғалабани тақдим этишди.
Америка кубоги, чорак финал
Аргентина – Колумбия – 0:0 (5:4)
Огоҳлантиришлар: Агуэро, 20; Маскерано, 34; Месси, 90+1 – Родригес, 12; Мехия, 21; Арьяс, 37; Куадрадо, 40; Фалькао, 86.
Аргентина – Ромеро, Рохо, Отаменди, Гарай, Сабалета, Биглия, Маскерано, Пасторе (Банега, 77), Ди Мария (Лавесси, 87), Агуэро (Тевес, 73), Месси.
Колумбия – Оспина, Мурильо, Арьяс, Сапата, Суньига, Куадрадо, Мехия, Хамес, Мартинес (Фалькао, 74), Гутьеррес (Кардона, 24), Ибарбо (Муриэль, 86).
Пенальтилар серияси:
Хамес Родригес (0:1). Месси (1:1). Фалькао (1:2). Гарай (2:2). Куадрадо (2:3). Банега (3:3).
Муриэль (3:3 - дарвозадан юқори). Лавесси (4:3). Кардона (4:4). Билья (4:4 - ноаниқ). Суньига (4:4 - дарвозабон). Рохо (4:4 - тўсин). Мурильо (4:4 - дарвозадан юқори). Тевес (5:4).
