Футзал бўйича дунё терма жамоаларининг янги рейтинги эълон қилинди. Бу сафар Ўзбекистон миллий терма жамоамиз дунё рейтингида 19-ўринда қайд этилган. Аниқроғи, Хосе Мария Мендез шогирдлари ўтган рейтингдаги ўринларини сақлаб қолишди. Бош футзал жамоамиз ҳисобида 1278 очко бор.
Осиёда терма жамоамиз Эрон, Япония ва Таиланддан сўнг қитъанинг тўртинчи жамоаси бўлиб турибди. МДҲ ва Болтиқбўйи давлатлари орасида ҳам терма жамоамиз тўртинчи ўринда.
Дунё рейтингини Испания терма жамоаси бошқариб турибди. Кучли ўнталикдан Бразилия, Россия, Италия, Аргентина, Эрон, Португалия, Украина, Колумбия, Чехия терма жамоалар жой олишган. МДҲ ва Болтиқбўйи терма жамоаларининг жойлашуви эса мана шундай кўриниш олган:
3. Россия
8. Украина
14. Озарбайжон
19. ЎЗБЕКИСТОН
20. Қозоғистон
22.Беларусь
43. Қирғизистон
51. Латвия
52. Грузия
55. Молдова
58. Тожикистон
65. Литва
67. Туркманистон
95. Эстония.
