Канадада ўтаётган аёллар ўртасидаги Жаҳон чемпионати ҳам ўзининг ҳал қилувчи палласига кирди.
Кеча турнирнинг ярим финалчилари аниқланди.
Чорак финалда Осиё қитъасининг икки терма жамоаси тўқнаш келишди. Амалдаги Жаҳон чемпиони Япония Австралияни синовдан ўтказди. Кутилганидек, мазкур матч японларнинг фойдасига ҳал бўлди. 87-дақиқада Мана Ивабучи томонидан киритилган гол Японияга ярим финал йўлланмасини тақдим этди.
Яна бир чорак финал баҳсида эса Англия Канада билан ўйнади. Анчагина қизиқ ва муросасиз руҳда кечган учрашувда англиялик аёллар 2:1 ҳисобида устун келди.
Германия Францияни пенаьлтилар баҳсида мағлуб этиб ярим финалга йўл олди ва энди чорак финалда Хитойни мағлуб этган АҚШ билан ўйнади.
Ярим финаллар
30 июн
АҚШ – Германия
1 июл
Япония Англия
Таъкидлаб ўтамиз, аёллар ўртасидаги Жаҳон чемпионатининг финали 5 июл куни Ванкуверда бўлиб ўтади.
